Delhi chhuahsan rih turin Sonia Gandhi thurawn pe

Congress party chuan an party hotu, Sonia Gandhi chu a awm lamah ṭhat lohna a neih avangin Delhi khawpui boruak bal chu ni eng emaw chen chhuahsan rih tura thurawn pek a nih thu a tarlang. 

Sonia Gandhi hian chest infection a nei a, hei vang hian boruak thianghlim zawk a dawn theihna turin Goa emaw, Chennai lamah emaw awm bo rih dawn nia sawi a ni. 

August thlaa damdawi-in aṭanga a chhuah hnuah pawh Sonia Gandhi hi damdawi nen enkawl chhunzawm reng a la ni a, Delhi khawpui boruak bal chu a zual zel vangin doctor-te pawhin a hriselna hi an ngaihtuah hle nia sawi a ni. Delhi air pollution nasa chuan a asthma a tizual nasa a, hei vang hian khawpui chu chhuahsan rih turin an duh a ni. 

Kumin July 30 khan Sonia hi Delhi-a Sir Ganga Ram Hospital-ah admit a ni a, August thlaa chhuahtir a nih hnuah, September 12 ram pawnah in check-up turin a zin chhuak a, a fapa Rahul Gandhi chuan a kalpui a ni. Hei vang hian Congress hruaitu pahnihte hian September 14-23 chhunga Parliament monsoon session neih pawh an tel ve thei lo a ni.



Share this Post

Login to comment
No Comments