Sorkar laipui scheme hnuaia hna thawh sawiho

Serchhip District Level Vigilance and Monitoring Committee chu nimin khan an chair-man CL Ruala, Lok Sabha MP leh co-chairman Ronald Sapa Tlau, Rajya Sabha MP hoin DC conference hall-ah an ṭhukhawm.

CL Ruala chuan, meeting hmasaa harsatna tarlan, PMGSY-a sum harsatna awm chung-changah sorkar laipui hotute a biak thu a sawi a, "Kan thu thlen ngai pawimawhin sorkar laipuiin rang takin fund an rawn pe chhuak a. Harsatna dangte pawh chinfel a nih theih nan a theih ang angin hmalak zel a ni ang," a ti.

Ronald Sapa Tlau pawhin thu sawiin, offi-cer-te chu hmasawnna hna thawh a taka khawih-tute leh kalpuitute an nih thu inhre reng turin a chah a, mahni zawn ṭheuha theihtawp chhuah turin a ngen.

Meeting-a tarlan danin, Serchhip district chhungah PMGSY hnuai-ah kawng km. 148.46-a thui laih mek a ni a, chu'ngte chu kum 2016-17 chhunga zawh hman tura ruahman a ni. MGNREGA hnuaiah kum 2015-16 chhungin ni 75 in-hlawhna siam a ni a, in-hlawhna atan cheng nuai 1886.59 hman a ni.

BADP-ah kum 2015-16 chhungin cheng nuai 205 ruahman a ni a, in-fras-tructure sector lama hna-thawhte thawh zawh vek tawh niin, social sector aṭangin Mual-cheng, Lungkawlh leh Sai-lulakahte community hall sak mek a ni.