Nitin Gadkari-a'n road project lian 10 a hawng

Union Minister for Road Transport and Highways Nitin Gadkari chuan nimin khan video conference hmangin major road project 10, cheng vaibelchhe 8,038 senga siam tur a hawng. 

Project hawnna inkhawm hi Andhra Pradesh chief minister YS Jagan Mohan Reddy-a'n a kaihruai a,  union minister - VK Singh, G Kishan Reddy, union secsretary  (MoRTH) A Giridhar, state minister for Roads and Buildings M Sankara Narayana, Principal Secretary M T Krishna Babu leh official dangte an telpui. 

Nimina project hawn zingah hian Vijayawada, Andhra Pradesh-a national highway-a flyover pahnih pawh a tel a, Gadkari hian flyover pahnih siamna tur lungphum hi kum 2015, December thla khan a lo phum tawh a ni. Mahse hun rei tak tihkhawtlai a ni hnuah Benz Circle chu kumin kumtir khan zawh niin, Kanaka Durga flyover chu September thla khan an zo fel thei chauh a ni. 



Share this Post

Login to comment
No Comments