NCBC-in OBC tan quota dah belh rawt

National Commission for Backward Classes (NCBC) chuan Punjab leh West Bengal-a Other Backward Classes (OBCs)-te tan sorkar hna laknaa quota siamsak zat an hman lai mek chu tihpun a rawt.

NCBC hian quota chungchanga dan hman lai ennawnin, ngenna an dawn leh document finfiahna an neihte ngaihtuahin, Supreme Court-in Indra Sawhney case-a ruahmanna a siam zulzuia quota tihpun a ṭul thu hi a sawi. Commission-in an tarlan danin OBC tana quota siam hi 13%-a tihpun a ṭul thu an sawi a, hei hian quota awm sa nen OBC-te tana hna laknaa quota awm chu 25%-ah a tisang thei dawn a ni.

Tun dinhmunah Punjab hian sorkar hna lakah scheduled caste-te tan 25% leh OBC-te tan 12% dahin, quota zawng zawng hi 37% an dah a, West Bengal-ah hian OBC tan 17% dah ni bawkin, SC leh ST zawng zawng nena belh khawma quota an siam zat hi 45% a ni. NCBC hian an rawtna anga heng state pahniha OBC tana quota tihpun hian Supreme Court-in hnam hnuaihnung leh hnufual zawkte tana reservation 50% aia tam siam loh tur a tih chu a zawm thei chiah dawn tih an tarlang bawk.