IMD-in khaw lum zual tuartu state tan hriattirna chhuah

Indian Meteorological Department (IMD) chuan India rama khua a lum nasat zual theihna tur state-te tan hriattirna tichhuakin, hei hian May 18 thleng a awh dawn niin an tarlang.

IMD thuchhuaha tarlan a nih danin, Punjab, Haryana, Uttar Pradesh, Rajasthan, Madhya Pradesh, West Bengal, Bihar leh, Gujarat-ah te chuan May 16 leh May 18 chhung hian khua a lum nasa zual dawn hle niin a sawi a, hei vang hian heng state-a cheng mipuite chu pawn an chhuah pawha fimkhur tur leh tui in tam tur te, vun lang tam thawmhnaw pawn lama ha chhuak lo tur tein an hriattir a ni. Khaw chin hrilh lawkna aṭang chuan heng state-a hmun hrang hrangah hian May 16 leh May 18 inkar hian khaw lum lam chu 42 degree celcius chung lam vek a ni dawn a ni.