Security force-te chuan nimin khan Pulwama district, Jammu and Kashmir-a Awantipora khuaa Barsoo-ah operation an nei a, firfiakte bihrukna hmun an hmuchhuak tih police officer chuan a sawi.
Operation hi Jammu and Kashmir police leh army joint team-ten an nei a, an thu dawn bawhzuiin Barsoo-a forest area an dap a ni. Ramhnuaia firfiakte birukna hmun an hmuhchhuahah hian AK 47, grenade pahnih, Ubgl thrower pakhat, Ubgl grenade pali, ammonium nitrate bag chanve, gelatin stick panga leh crude pipe bomb-te chu an hmuchhuak a ni.
Heng ralthuam an hmuh chhuah bakah hian pawisa cheng 5,400, ei tur, gas stove, bungbel leh thil dang dang-te pawh hmuh a ni bawk.
He thilah hian police-te chuan case an siam nghal a, an chhuizui nghal a ni.
Naktuk maia India Independence Day neih tur atana firfiakte chetna a awm theih thil thua fimkhur thu hlaah security force-te hian operation hi an nei a ni. August 7 khan security force-te hian J&K, Poonch district-a Shashitar khuaa Dingi Cheer ramhnuaiah firfiakte bihrukna pakhat chu an lo hmu tawh bawk a, hetah hian AK- 47 rifle, magazine pali leh ralthuam dangte pawh an hmu nual bawk.
Login to comment
No Comments