Modi-a'n tax platform thar a hawng

Prime minister Narendra Modi chuan nimin chawhma khan video conference hmangin 'Transparent Taxation - Honoring the Honest'  platform a hawng.

He platform hi tax petute harsatna an neih ṭhin sut kianna tur atan a nih thu Modi chuan a sawi. He platform-ah hian charter pathum a awm a, chungte chu faceless assessment, faceless appeal leh tax payer-te an ni.

Platform hawnna inkhawmah hian Modi chuan faceless appeal hi Septem­ber 25-ah hman ṭan tur a ni a, faceless assessment leh tax payer charter-te hi nimin aṭanga hman ṭan nghal tur a nih thu Modi chuan a sawi.

"Kum ruk liam taah khan bank-a account nei lo te chu a tam thei ang ber neih tir tuma hmalak a nih bakah tax pekna kawnga intihhmuh turin mipuiteah inzirtirna neih ṭhin a ni a, mahse tunah chuan heng tax pe ṭhin ten harsatna an neih sutkianna tur leh tax pe ṭhin te duhsakna tur chu sorkar hmalakna thar a ni ta," tiin Modi chuan a sawi. He platform tharin a tum ber pakhat chu mipuite leh bank inlaichinna ṭha neih hi a ni bawk, a ti.

Union home minister Amit Shah leh defence minister Rajnath Singh-te chuan PM-in 'transparent' taxation platform a hawng chu lawmawm an tih thu sawiin, he platform hi dik taka chhiah pe ṭhinte thuam chakna leh chawimawina tur a nih thu an sawi. 



Share this Post

Login to comment
No Comments