EPL aṭangin Sheffield an tla

Sheffield United chuan Premier League match 35 aṭangin point 16 chauh an la hmu a, khelh hmabak match pathum la nei mah se English football inelna sang berah hian an inhamtang zo tawh lo a ni.

Newcastle United mualah Sheffield hi Inrinni zan khan an lenglut a, an mikhual lakah Magpies hi 5-1 in an lo chak. Alexander Isak-a'n goal hnih a khung bakah Bruno Guimaraes leh Callum Wilson ten an khung - Ben Osborn chuan anmahni lamah a ti lut palh bawk.

Blades hian a him china awm Nottingham Forest chu point 10 ngawtin an phak lo a, an hmabakah chak vekin an elpui dangte chesual vek pawh ni se an umphak thei tawh lo - season tharah Championship an khel ang.

Newcastle United erawh an chak avangin pasarihnaah an awm a, tuna an dinhmun hi Europa Conference League khel phak chin an ni a, season thara European football khel turin beisei an la nei sang hle a ni.