Bengal-a CAA hman tur dan theih a ni lo : Defence Minister

Union defence minister, Rajnath Singh chuan BJP-in a thutiamte a tihhlawhtlin zel ṭhin thu sawiin, West Bengal-a Citizenship Amendment Act (CAA) hman tur pawh dan theih a nih loh thu a sawi.

Rajnath Singh hian Malda Uttar constituency-a election rally-ah thu sawiin, CAA chu khua leh tui ni sate tana a hlauhawm loh thu leh tu khua leh tui nihna mah laksak a ni lo a, Pakistan, Bangladesh leh Afghanistan-a sakhua avanga tihduhdah tuarte tana India khua leh tui nihna pekna tur chauh a nih thu a sawi tel bawk. Singh chuan,"Mamata hian a state-ah CAA hman a phal loh tur thu a sawi a, mahse, CAA hman hi West Bengal a ni emaw, India ram khawi hmunah mah hman loh phal theih a ni lo. Mamata hian West Bengal mipuite hi eng vangin nge thlem a tum?" a ti.

Singh hian Congress, Trinamool Congress leh Left party te chu inthlan dawna an thutiam tihlawhtling thei loah puh zuiin, BJP erawh an thutiam an tihpuitlin vek thu a sawi a, Article 370 ṭhiah leh Ram temple sak bakah, triple talaq khapna thlenga an tihhlawhtlin thu a sawi tel bawk a ni.