Lammualah hmeichhe tan Non Residential football coaching

Sports & Youth Services De-part-ment chuan Rajiv Gandhi Stadium-ah non-residential football coaching course an buatsaih tawh a, May 9, Thawhṭannni tlai dar 3:00-ah Lammualah hmeichhe tan coaching a buatsaih dawn.

Hmeichhe footballer-te chher turte C. Lalrinsanga leh R. Lal-nun-sangi te an ni. Veteran coach Rinsanga hian Mizoram chu kum 2001 khan Subroto Cup-ah a vawi khat nan a champion pui a, hun rei tak reh mah se MPL4-ah khan Zo United tla tawh tur chu chhanhimin semifinal a thlenpui bawk.

R. Lalnunsangi hian kum 2010 khan National Inter School Tournament-ah Mizoram a champion pui a, kum 2012 khan Mizoram hmeichhe team chu Subroto Cup-ah final a thlen pui bawk.

Registration hi Lammualah neih nghal tur a ni a, tu tan pawh kal theih niin a kal hmasa apiang duhsak an ni ang.