Kvyat thlaktu Verstappen

Formula 1 team Red Bull chuan an driver chhawr lai Daniil Kvyat chu junior team-ah an dah let a, a aiawh turin season hmasa lama lo inlan tawh Max Verstappen an dah thung.

Russian driver Kvyat hi Chinese Grand Prix-ah cheṭhain pathumna dinhmun hial luah mah se Russian Grand Prix-ah erawh beisei angin a che lo. Lap khatnaa kawngkawi pahnihna an tlan hman chauh tihah Ferrari driver Sebastian Vettel chu ṭum hnih ngawt a tai hman a, German driver Vettel hian intlansaik a chhunzawm thei lo hial.

Red Bull team prin-cipal Christian Horner-a'n an driver chhawr tur kum 18 chauha upa Verstappen hi thiamna leh theihna bik nei tiin a lo fak tawh a, season hmasa khan kum 17 mi chauh niin Formula 1 car khalh thei naupang ber a lo ni tawh.

Dutch driver Ver-stap-pen leh Daniel Ric-ciardo te chu Red Bull tan season tawp thlenga inkawp tura ruahman an ni a, karleha Spanish Grand Prix tlan tur aṭangin an inkawp ṭan ang.

Tunah chuan Red Bull-in kum 2015-a Vettel thlak tura an lakluh Kvyat hmalam hun a chiang lo rih ta hle a ni.