NBA Conference Semifinals Cleveland Cavaliers-in Atlanta Hawks an sawp

Ningani zing khan NBA Eastern Conference Semifinals inkhel pakhat a awm a, Cleveland Cava-liers chuan Atlanta Hawks lakah 123-98 a hnehna changin match sarih khelh tur aṭanga vawi hnih an khelh tawhah hnehna an la chang ve ve. Inrinni zing dar 4:30-ah Game 3 an khel leh ang.

Quicken Loans Are-na-a inkhelah Cavaliers chuan Hawks lakah three points vawi 25 ngawt vawm lutin Conference Se-mi-finals match khat chhunga three points nei hnem ber NBA record thar an siam. Thla hmasaa Golden State Warriors-in match khata vawi 21 an lo neih tawh chu an khum a ni.

Cavaliers hian inkhel bul ṭan fuh zawkin first hlaf-ah three point ṭum 18 ngawt neiin 74-38 ngawtin hma an hruai fal nghal. Inkhel ṭan tirh aṭanga a tawp thlengin hma an hruai tluan zak. LeBron James chuan point 27 score-in a thawhhlawk leh hle.

Cavaliers-in Hawks laka halftime-a hma an hruai falna point 36 zet hi NBA playoff chanchinah kum 1987 hnua a tam ber ṭum a ni a, inkhelh chhung zawnga an point inthlauh lai ber quarter thumnaah chuaan point 41 zetin an sang fal a ni.

Cleveland coach Ty-ronn Lue chuan, "Point score theihna hun rem-chang kan insiam thei a, nuamti taka kan khelh theih avangin hetiang result ṭha neih hi kan phu," tiin a sawi.