Congress-a thusawi turin PM Modi an duh

US House of Representatives Foreign Affairs Committe hotute chuan Prime Minister Narendra Modi chu June thlaa US a tlawh hunah Congress joint meeting hmaa thu sawi tura an duh thu an sawi.

Republican committe chairman Ed Royce leh Democract panel hruaitu Eliot Engel-te chuan House Speaker Paul Ryan-a hnenah lehkha thawnin, 'India nena kawng hrang hrang - defence, humanitarian, disaster relief, space, conservation leh innovation lama kan thawhdunna ṭha tak neihte avangin, Congress-in prime minister ka ngei aṭanga a thusawi a ngaihthlak theihna hun remchang tak niin kan ngai a ni" a ti. Ryan-a thupuangtu chuan Speaker hian sawmna hi a siam dawn nge dawn lo a la puang lo tih a sawi.

Gujarat Chief Minister a nih laia intualvuakna rapthlak tak thleng vangin US chuan hun eng emaw chen Narendra Modi hi an ram tlawh phalna, visa a lo pe duh tawh lo a, tunah erawh chuan thil awmdan a inthlak danglam tawh hle a ni. Senate leh House-a thu≠sawi tura sawmna hi chawimawina ropui tak anga ngaih a ni a, tunhmain mi pahnih chiah sawm an la ni. Pope Francis chuan kum 2015 September 24 khan thu a sawi a, Japan Prime Minister Shinzo Abe chuan April 29, 2015 khan thu a lo sawi tawh bawk.