Bangalore-in Punjab Kings an hneh

Indian Premier League-ah Royal Challenger Bangalore-in chak hmel an hmu a, Thawhṭanni zan khan Punjab Kings chu wicket liin an hneh.

M. Chinnaswamy Stadium-a inkhelah Bangalore-in vawm hmasak an thlang a, Punjab tan Shikhar Dhawan (45), Jitesh Sharma (27) leh Prabhsimran Singh (25) te chu che ṭha deuh an ni.

Punjab hian 176/6 runs an siam a, target pangngai tak an chhawp. Mahse, Bangalore tan Virat Kohli che ṭhain ball 49 lekah 77 runs a siam. RCB tan Dinesh Karthik a rawn che ṭha bawk a, thi loin 28 runs siamin 19.2 overs-ah 178/6 runs siamin hnehna an chang.

Zanin dar 7:30 hian Sunrisers Hyderabad leh Mumbai Indians te an inkhel dawn. Team pahnih hian chak hmel an la hmu lo ve ve.