Punjab-ah BJP-in party malin Lok Sabha inthlan hmachhawn dawn

Bharatiya Janata Party (BJP) chuan Lok Sabha inthlan lo awm turah Punjab aṭangin party mala inthlan an hmachhawn tur thu state BJP hruaitu, Sunil Jakhar chuan a sawi.

BJP hian Punjab-a Shiromani Akali Dal te nen inbiain, Lok Sabha inthlan atana thawhho tum mah se, inbiakna tluantling nei a, an inrem theih tak loh avangin party mala Punjab Lok Sabha seat chuh an tum thu hi an puang a ni.

Punjab hi Election Commission of India (ECI) ruahmanna ang chuan June 1-ah an inthlang ang. Punjab-ah hian Lok Sabha seat 13 a awm a, state assembly-a rorel lai, Bhagwant Mann-a kaihhruai, Aam Admi Party (AAP) sorkar chu dinhmun ṭha zawk tura ngaih ni mah se, state BJP hruaitu, Sunil Jakhar hian prime minister Narendra Modi hnathawh ṭha tak avanga an zam loh thu a sawi.