WBengal-ah Phase-1 B inthlan nei

West Bengal assembly inthlan, Phase 1-B chu nimin khan bial 31 ah neih a ni.

Inthlan neihna hmun hi West Midnapore, Bankura leh Burdwan district-ah a ni a, bial 31-ah hian candidate 163 awmin vote nei mi nuai 70 an awm. Candidate zingah hian hmeichhia 21 an tel. Inthlan thawh khatna chu April 4 khan bial 18-ah neih alo ni tawh a ni.

Eptu pawlte chuan inthlan thawh khatnaa vote tla zat tlai lama tarlan chu final figure nen a inang lo niin an sawi a, thil dik lo awm nia an hriat thu an sawi. Mahse Additional Chief Electoral Officer Dibyendu Sarkar chuan eptute puhna chu thu awmze nei lo a nih thu a sawi thung.

Nimina inthlan buatsaihah hian vote thlakna tur polling station 8,465 siam a ni a, hengte hi armed force leh police official-ten an veng a ni. Vote thlak hun hi tlai dar 6 thleng hawn a ni a, mahse Maoist hel hluarna bialah chuan tlai dar 4-ah khar a ni thung.

Inthlanah hian BJP leh Trinamool Congress chuan seat awm zawng zawng an chuh a, CPI-M in seat 19, Congress leh BSP in seat 8 ve ve ah an chuh. Candidate zingah mi 46 te chu inthlan an chuh ṭum khatna a ni.