AAP-in Delhi-a hmeichhiate thla tina pawisa pekna tur tlangzarh

Delhi finance minister, Atishi chuan 2024-2025 fiscal year aṭanga hman ṭan turin, 'Mukhyamantri Mahila Samman Yojana' tlangzarh a nih thu a sawi a, he hmalakna hnuaiah hian Delhi-a cheng, hmeichhia kum 18 chung lamte tan thla tina Rs. 1,000 pek a nih ṭhin tur thu a puang.

Atishi hian he thu hi state assembly budget session neih meka 2024-2025 budget a pharhnaah a sawi a,"Kejriwal-a kaihhruai sorkar hnuaiah Mukyamantri Mahila Samman Yojana hmalakna kaltlangin hmeichhia, kum 18 chung lamte tan thla tina Rs. 1,000 dawn theihna hi kalpui a ni dawn a ni" a ti. Atishi hian Rs. vbc. 76,000 budget a pharh a, state sorkar chuan Ram Rajya beiseina tihhlawhtlin a tum thu a sawi zui bawk.