BJP-in Election Commission hnenah memorandum an theh lut

Bharatiya Janata Party (BJP) chuan Lok Sabha inthlan lo awm tur atana inpuahchahna pakhat atan, Election Commission of India (ECI) hnenah memorandum theh lutin, polling station zawng zawng chu video-a record vek ni se an duh thu an sawi.

BJP hian EC hnena memorandum an theh luhah hian khawpuia chengte tana vote thlak awlsamna tura polling booth siam belh te, political party-te'n media-a an chhuah tur pawmpuina lak hmasak phawt ngai te chu tihtawp an duh thu an tarlang tel bawk.

EC hnena BJP-in memorandum an theh luhnaah hian union minister, Ashwini Vaishnaw leh BJP national general secretary, Arun Singh te an tel a, EC hnenah hian hemi chungchang hi vawi eng emaw zat an thlen tawh thu leh, EC pawhin hmalak tum fo tawh mah se, rokhawlhna a awm ṭhin thu an sawi a, kumina Lok Sabha inthlan awm hma ngeia harsatna awm theite chinfel a ṭhat thu an sawi bawk.