Cyclone Amphan vangin mi 72 thi

Thlipui cyclone Ampha-in West Bengal leh Odisha a nuainaa chhiatna thlengah mi 72 an thi.

He thlipui tleh hian chenna in sang chuan a tihchhiat bakah, thingkung leh power line-te pawh a chhem tlu nasa hle. 

Indian Ocean-a Bay of Bengal aṭang rawn in ṭan, cyclone Amphan hi darkar khata kilometre 200 chuanga chaka na in a tleh thei tih India meteorological official-te chuan an tarlang. Nilainia he thlipui tleh chak zawng hi darkar khata kilometre 165-175-a chak a nih thu meteorological official-te chuan an sawi bawk. 

Amphan hi kum 20 chhunga Bay of Bengal-a Cyclone chak ber chi pahnihna a nih thu India Meteorological Department (IMD)-a director general, Mrutyun­jay Mohapatra chuan a sawi. 

West Bengal-a north leh south 24 Parganas, Howrah, Hoogli leh Kolkata-te chu he thlipui tuar nasa zual an ni a, Odisha-ah pawh tuipui kam hnaia awm khuate chu a tuar nasa tur zinga sawi a ni bawk. 

West Bengal chief minister Mamata Banerjee chuan Covid-19 aiin he thlipui hian chhiatna a thlen nasat zawk thu sawiin, he thlipuiina a tihchhiat tawh hi cheng vaibelchhe nuai khat hu a nih thu a sawi. 



Share this Post

Login to comment
No Comments