Thla thum chhung Mann ki Baat chawl dawn

Prime minister Narendra Modi-a'n thla tina radio kaltlanga thu sawi nana hun a hman ṭhin; Mann ki Baat chu Lok Sabha inthlan lo awm tur avangin thla thum chhung chawlh a ni dawn.

PM Modi hian he thu hi nimina Maan ki Baat vawi 110 a hmannaah sawiin, inthlan tur avangin model code of conduct chu March thla aṭanga hman ṭan a nih a rin thu leh, dan zawma Maan ki Baat chu tihtawp rih a tum niin a sawi. Modi hian Maan ki Baat chu episode 110 zet a kal hnuah pawh sorkar thunun ni loin, mipuite tan liau liau hman a ni ṭhin niin a sawi a, India ram anga an chakna leh hlawhtlinna puanna hmun a ni, a ti. Maan ki Baat hi 2019-a Lok Sabha inthlan neih a nih dawn khan tihtawp lailawk a lo ni tawh bawk a ni.