AAP-in party mala Haryana assembly inthlan leh INDIA anga Lok Sabha inthlan an chuh tur thu puang

Aam Aadmi Party (AAP) hruaitu, Arvind Kejriwal chuan Haryana state assembly inthlan chu AAP anga party mala an chuh tur thu leh, Lok Sabha inthlan erawh INDIA anga an chuh tur thu a puang.

"AAP hian Haryana-a Lok Sabha seat zawng zawng hi INDIA-a kan thawhpuite nen kan chuhho anga, mahse, state assemly inthlanah erawh chuan seat awm zawng zawng, 90 hi party malin kan chuh dawn a ni," tiin Kejriwal chuan a sawi.

Haryana AAP-te chuan Lok Sabha inthlan pawh hi party mala chuh an duh thu sawi mah se, party hmunpui lam aṭangin an remti lo thung a ni. Hetih lai hian AAP hian Punjab-ah chuan Lok Sabha inthlan hi party mala an chuh tur thu leh thawhpui an neih loh tur thu an lo sawi tawh thung.