Eizawnna bul ṭan turte tana hma la ṭha ber Gujarat, Kerala leh Karnataka

Department for Promotion of Industry and Internal Trade (DPIIT) chuan entreprenuer-te bul ṭanna tur atana hmalakna leh kawng hawn ṭhat lama India ram chhunga state leh Union Territory (UT) te chet ṭhat dan ranking tichhuakin, Gujarat, Kerala leh Karnataka te chu state ti ṭha berah thlan an ni.

State -te chet ṭhat lam ranking hi Commerce and Industry minister Piyush Goyal chuan nimin khan New Delhi-ah a tlangzarh a, ranking siam hi 2022 chhung aṭanga lak a ni. Ranking siamnaah hian state leh UT 33 telin, category pangaah ṭhen a ni a; best performerr, top performers, leaders, aspiring leaders and emerging startup-ahte ṭhen niin, ranking hi eizawnna bul ṭan turte tana hmalakna nei ṭha leh puihna pe ṭha aṭanga siam a ni. Top performer zingah hian Tamil Nadu, Himachal Pradesh, Maharashtra, Odisha leh Telangana te pawh an tel.