PM-in ni 21 chhung ram pum kharkhip pumhlumna a puang

Prime minister Narendra Modi chuan nizan dar 8 khan ram mipuite hnenah thuchah sawiin coronavirus darh zel tur venna turin, nizan zanlai aṭanga ni 21 chhung chu ram pum kharkhip pumhlum(complete lockdown) anih thu a puang.

Narendra Modi chuan March 22, Pathianni liam taa Janata Curfew neih chu mi zawng zawngin an zawm ṭha hle a, a hlawhtling hle tih sawi hmasain, harsatna sukiang tura India inpumkhatna lanna a ni, a ti.

Ram changkang zawkte pawhin Covid-19 vanga harsatna an tawh nasatzia kan hre vek a, a dona ṭha ber chu 'social distancing' a ni, tia sawiin, "A dona kawng dang a awm lo a ni," a ti hial.

'Social distancing' chu Covid-19 veite tan chauhah mi ṭhenkhatin an ngai a, kan zavaia tan a ni. Mi ṭhenkhat fi mkhur lohna chuan dinhmun hlauhawmah mi zawng zawng a dintir thei. Zanin zanlai aṭang hian ram pum kharkhip pumhlum a ni dawn tia sawiin, ni 21 chhung kharkhipna chu kalpui a ni dawn tih a puang a ni.

"Tun ni 21 chhung hi a pawimawh hle dawn...chumi avang chuan in chhuahsan tum lo ula, tun aṭanga mipuite tihtur awmchhun chu, ina awm a ni," tiin khauh takin a puang.

Coronavirus chu ramkang ang maia darh chak a ni tih leh, WHO pawhin a darh chak zia a sawi uar thu a sawilang bawk. "Ram tam tak, France, Italy, Germany, Iran etc.te pawhin health infrastructure ṭha tak nei mah se a darh zel tur an veng thei lo. "Tun hi dawhtheihna leh thununna hnuaia awm hun a ni. An nunna thapa hnathawktu -

Doctor, health care professional, police officer leh media mite tan ṭawngṭaisak turin ka ngen bawk a che u," tiinmipuite a ngen zui bawk.

Sorkar laipui chuan Covid-19 kaite tan Rs vbc 15,000 a dah tih a sawi a, thu dik lo laka fi mkhur turin leh doctorte chawh ni loah chuan damdawi ei ngawt lo turin mipuite a chah. "Ni 21 chu hunrei tak a ni tih ka hria, mahse i himna leh i chhungkaw himna turin a pawimawh a ni. India chuan sorkar thurawnte zawm chungin he fi ahna hun hi a paltlang ngei ang tih ka chiang," tiin a thusawi a titawp.



Share this Post

Login to comment
No Comments