Madhya Pradesh chief minister thar, Shivraj Singh­ Chouhan kaihhruai BJP sorkar thar chu nimin kha Assembly-ah fiah a ni a, CM hian  fiahna hi a paltlang a ni.

Congress hruaitu, Jyotiraditya Scindia-an Congress chhuahsana BJP a zawm hnuah, Scindia thlawptu Congress MLA 22 ten banna an thehlut ve nghal bawk. Hei vang hian Kamal Nath kaihhruai Congress sorkar chuan thlawptu a ngah tawk tawh loh  vangin kar liam ta khan Kamal Nath hi CM a nihna aṭangin a bang a ni. 

Thawhṭanni zan khan CM thar atan Shivraj Singh Chouhan hi lakluh a ni a, nimin khan House-ah sorkar siam turin thlawptu a ngah tawk em tih fiah zui nghal a ni. Chouhan hian CM term li a chelhna a ni. 

Member 230 awmna, Madhya Pradesh Assembly-ah hian BJP in MLA 107 a nei a, Congress chuan a MLA 22 te an ban hnuah member 92 a la nei. MLA 22 bangte seat leh seat hnih dang ruak awm nen, tun­ah hian Assembly member awm­zat hi 206 an ni.

Share this Post