NOVEMBER 2023 THLA CHHUNG INDIA GST KHAWN 15.13% IN A PUNG

India ramin November 2023 thla chhunga GST chhiah a khawn zat chu ₹ 1,67,929 crore a ni tih nimin December 1, 2023 tlai dar 6:30 a Finance ministry thu chhuah chuan a tarlang.

GST hmuhna ke hrangte hetiang hian thliar sin a ni : CGST - ₹ 30,420 crore, SGST - ₹ 38,226 crore, IGST - ₹ 87,009 crore (hemi zingah hian ₹ 39,198 crore chu ram dang aṭanga bungrua leh thil lakluh aṭanga hmuh a ni), Cess khawn zat ₹ 12,274 crore ( ₹ 1,036 crore chu ram dang aṭanga thil lakluh aṭanga hmuh a ni).

IGST aṭanga chhiah khawn hi Central chanpual CGST ah Rs. 37,878 crore leh State chanpual SGST tan Rs 31,557 crore sem nghal a ni.

GST lut zawng Centre leh States te insem zat chu hetiang hi a ni, ₹ 68,279 crore hi Centre (CGST) a ni a, Rs 69,783 crore hi state (SGST) chan tur a ni tih nimin tlai dar 6:30 a Finance ministry thu chhuah chuan a tarlang.

November 2023 chhunga chhiah khawn hi November 2022 khawn aiin Rs. 22,062 crore 15.13% in a tam zawk. Thla hmasa October 2023 a khawn Rs. 1,72,003 crore aiin Rs 4,074 crore (2.36%) in a tlem zawk tih Finance Ministry thu chhuah chuan a tarlang.

Tun financial year 2023-24 thla 8 April - November chhunga GST khawn zat hi Rs 13,32,440 crore a ni a, thla tin chawh ruala GST khawn zat chu Rs 166,555 crore a ni a, 2022-23 financial year April - November thla chhunga GST khawnkhawnRs 11,90,816 crore a ni a, thla tin chawhchawha khawn zat Rs 1,48,864 crore a ni tih Finance Ministry thu chhuah chuan a tarlang bawk.

India GST chhiah khawn pung chho zel hian India ram sum leh pai dinhmun ṭhaah a ding chho zel a, chak takin hmasawnna kawng a zawh tih a entir.

NIKUM NEN KHAIKHINNA

Month 2022 -23 2024-24

Apr 167,540 187,035

May 140,885 157,090

Jun 144,516 161,497

Jul 148,995 165,105

Aug 143,612 159,069

SEP 147,683 162,712

OCT 151,718 172,003

NOV 145,867 167,829

Tot 11,90,916 13,32,440

Khawn tam

November 2023 thla chhunga GST chhiah khawn tam state te (rupees in crore) :

Maha:

Maharashtra 25,585

Karnataka 11,970

Gujarat 10,583

Tamil Nadu 10,255

U. P 8,973

Khawn tlem

State lian leh mihring tamna GST khawn tlem te (rupees in crore) :

Telengana 4,986

W Bengal 4,915

Rajasthan 4,682

Odisha 4,295

Andra Pradesh 4,093

Madhya Pra 3,646

Kerala 2,515

Bihar 1,388

NE State

NE state 8 te kumin November 2023 leh nikum November 2022 thla chhunga GST chhiah khawn zat khaikhinna hetiang hi a ni a, za zela punna % dah bawk a ni.

(Rupees in crore)

STATE NOV NOV

2022 2023 %

ASM 1,080 1,232 14

SIK 209 234 12

MEG 162 163 1

ARU 62 92 48

TRI 60 83 39

MAN 50 40 - 21

NAG 34 67 99

MIZ 24 33 37

HEI VE THUNG HI

1. India ram state te zingah pawh Mizoramin thla tin GST a khawn khawm hi a tlem fal nalh a, Mizoram chhunga GST return file tur zingah tam takin return an la file lo tih Taxation Department hotu lam hriat a ni. Hei hi thawktu indaih lohna vang a ni.

2. Sorkar thar hian a hmachhawn lian ber tur chu SUM leh tangka bawm ruak a ni.

3. December 4, 2023 vote chhiarah eng party pawhin Sorkarna chang se, inrenchemna kawnga fet leh fir taka hma (drastic economic measures) an lak ngei ngei loh chuan leibain Mizoram hi a delh rit zel ang.

4. Sorkar inawpna atan senso tlem (minimum governance) nei tura hma lak nghal a, tute emaw chanvo hlawmna Board a tlem thei ang ber din a ngai.

5. Mizoram state thawh chhuah ngaihtuah turin Resource Mobilisation titu tur hmanhmawh taka ngaihtuah a, state tax and revenue khawn theihna zawn nghal a ngai ang.

Source :

PRESS INFORMATION BUREAU

( pib.gov.in)

DEC 01, 2023, @ 6:30 PM IST

- Huna Kawlvawm