Kerala sorkar chuan nimin khan an state chhunga bura tui in tur (bottled water) zawrh chhuah man chu bithliahin, litre khatah Rs.13 aia sanga zuar lo turin tui in tur zuartute hnenah a hriattir. 

A hmain tui bur hi litre khatah Rs. 20 a ni ṭhin a ni. Mahse Nilaini khan Kerala chief minister Pinarayi Vijayan chuan Food Department proposal chungchanga inremna ziah a nih tak avangin, tui  man hi a hniam tak thu a sawi.

Tui hi state sorkar chuan state chhunga mipuite mamawh (essential commodities) leh nipui huna mipuite lei nasat ber turte zinga mi a nih thu, Food Minister P Thilothaman chuan chanchinthar thehdarhtute hmaah a sawi a ni. 

Share this Post