Northern Angami hmeichhe hruaitute'n conference nei

Northern Women Angami Women Organisation (NAWO) chuan Inrinni khan an headquarters, Kohima, Nagaland-a PWD junction-ah conference neiin hruaitu thar an thlang nghal bawk.

NAWO hnuaiah hian unit pali awmin, NAWO-A, NAWO-B, NAWO-C, leh NAWO-D tihte an ni a, conference-ah hian unit hruaitute pawh telin, pawl anga an hmalakna tur thil chi hrang hrang an sawiho nghal a ni. Hmeichhe hruaitu kal khawmte hian an fate leh an thlahte la awm zel tur atana an hnam tihdan leh thuamte hrilh a inzirtir chhawn uar deuh deuh an duh thu an sawi a, ṭhangthar zawk hmeichiate chu an hnam tihdana puan tah thiam tura inzirtir a ṭul thu an sawi bawk.