India rama mi challang 8-in thuchhuah inṭawm siam

January 26-a 'Republic Day' lo awm tur pualin India rama mi challang pariatte chuan thuchhuah inṭawm siamin, kum 70 kal taa India danpui (constitution) siam chu uluk zawka hrechiang turin leh hman dan kawng hre thiam turin mipuite an fuih.

"Inrelbawl nan kan consti­tution neihsa hi kan duh kawp loh vang em ni, mipui thlan tlin sorkarte hian an thuneihna an hman sual? Mipuite zalenna leh dikna chanvote chu ngaihthah a ni a, danina a pek thuneihna piah lama sakhuana, ṭawng, chi leh hnamte zalenna palzut hi thil dik a ni em ni?" tiin an thuchhuahah hian an ziak lang.

India constitution chu chhuan kal zelte zawm tur atan duan a ni a, dikna, rinawmna leh tharum tel loa harsatna paltlangnate chu kan 'Hnampain' chhuan kal zel turte hnena thil ropui tak a hnutchhiah chu a ni. India mipuite chu kan constitution-a kan hmuh angin hnam hrang hrang, sakhuana hrang hrang chelhtu, chi leh hnam hrang hrang inpawh leh zalen taka kan awm ho theih nan he Republic Day lo awm tur hi hlim takin kan hmang tur a ni, tiin thuchhuah an siamah hian a ziak lang bawk. 

Thuchhuah inṭawm siamtu te hi - Justice J. Chelameswar (Supreme Court Judge hlui), S.Y Quraishi (Cheif Election Commissioner hlui), Lt. Gen. Harcharanjit Singh Panag, PSVM, AVSM (Army Com­mander hlui), Adoor Gopalakri­shnan (International acclaimed film maker), Sharmia Tagore (CBFC chairperson hlui), T.M. Krishna (Carnatic Musician), Sukhdeo Thorat (ICSSR leh UGC chairman hlui) leh Syeda Hameed (Planning Commission mamber hlui)-te an ni.



Share this Post

Login to comment
No Comments