CAA hmang hmasa bertu UP state-ah Refugee 40,000 an awm

Sorkar laipuiin dan siam thar, Citizenship (Amendment) Act (CAA) chu Uttar Pra­desh state chuan hmang hmasa berin, an state-a raltlan awm zat chu union home ministry-ah a thehlut. 

State sorkar leh sorkar laipuia report thehluhah, Pakistan, Afghanistan leh Bangladesh aṭanga Muslim-te chhiar tel loa raltlan awm zat chu 40,000 niin, a tam ber hi Hindu an ni. Raltlante hi district 19-ah an awm a, Pilibhit district-ah tam berin mi 30,000 - 35,000 an awm tling a ni. 

State minister Shrikant Sharma chuan raltlan awm zat hi buaipui mek a ni tih sawiin,a zat pawh hi tihchhuah thar zel a ni dawn tih a sawi. District Magistrate tinte chu survey nei a, list pawh tithar zel tura hrilh a ni, a ti. List hi union home ministry pawh an hriattir zel tur thu a sawi. 



Share this Post

Login to comment
No Comments