CAA hi ram pumah, West Bengal-ah pawh hman a ni dawn : Union minister

Union mi­nister leh BJP senior leader, Mukhtar Abbas Naqvi chuan Citizenship (Amendment) Act, 2019 chu ram pumah hman a ni dawn a, West Bengal-ah pawh hman a ni ngei dawn tih a sawi. 

Chanchinbu mite a kawmnaah Naqvi chuan, "CAA hi Parliament-ah pass a ni tawh a, rampumah hman a ni dawn. West Bengal pawh India rama mi a ni a, a hman ngei a ngai a ni," a ti. CAA leh National Register of Citizens (NRC) dodaltu, Bengal chief minister Mamata Banerjee chu na taka sawisel nghalin, India ram chanchin leh Constitution-te a chhiar ve a ngai a ni, a ti. 

Naqvi-a thusawi hma hian Mamata Banerjee chuan prime minister Narendra Modi hnenah CAA leh NRC chu West Bengal-ah hman a ni ve dawn lo tih hrilhin, he dan hi sut leh nghal turin a lo nawr tawh a ni. 

PM nena an inhmuh hnu hian Banerjee chuan Trinamool Congress students wing-te'n Kolkata-a CAA duh lohna lantira sit-in protest an neihnaah a telpui nghal a ni. Banerjee chuan CAA chungchanga sorkar thuchhuah chu paper-a a hminga tihchhuah mai a ni a, an state-ah chuan hman an remti ve ngai dawn lo tih a sawi. West Bengal-ah hian CAA duh lohna hi lantir chhunzawm zel a la ni a, nawrh huaihawtna hmun tam tak chu CM ngei pawhin thlawpin a telpui a ni.



Share this Post

Login to comment
No Comments