Sorkar laipuiin Bharat atta hralh chhuak

Union Food and Consumer Affairs Ministry chuan mobile van 100 hmangin Kendriya Bhandar, National Cooperative Consumers Federation of India Limited (NCCF) leh National Agircultural Cooperative Marketing Federation of India Limited (NAFED) outlet-ah Bharat atta stock hralh chhuah hna an thawk tih an puang.

Hunpui thleng avanga chhangphut buh man a to belh zel avangin Union Food and Consumer Affairs Ministry chuan Bharat atta te hi kg.-ah Rs 27.50 zelin an hralh a, hetih lai hian ram puma atta hralhna man chu lak rualin kg.-ah Rs. 35.93 a ni thung.

Union food minister Piyush Goyal chuan Bharat atta hralh chhuahna hi hawngin, an hmalakna chu ni tin mamawh thil man sang zel venna leh mipuite ṭanpuina atana sorkarin a tih a nih thu a sawi. Goyal chuan hetiang ang thoa tomato leh purunsen man pawh thunun a nih theih nana hma an lak tel thu a sawi bawk a,"Sorkar laipui hian Bharat dal pawh Kendriya Bhandar, NCCF leh NAFED kaltlang hian kg.-ah Rs. 60-in a hralh chhuak a ni. Bharat atta pawh hi Kendriya Bhandar, NCCF leh NAFED outlet mai bakah dawr dangah pawh lei theihin a awm thuai ang," tiin a sawi.