UP-ah bawng census nei dawn

Uttar Pradesh sorkar chuan an state-a bawng census neihna tur thupek tichhuakin, bawng hi chi thuma thliara census neih tur niin a tarlang. Sorkar thuchhuahah chuan bawngte chu a neitute'n an hlamchhiah ang chi bakah, khawlaia neitu awm lo leh Kanha Upvans anga thliar tur niin a tarlang.

Chief minister, Yogi Adityanath chuan geo-tagging pawh neih a nih tur thu a sawi a,"Phase hmasa berah chuan bawngte hi chhiar an ni ang a, phase hnihnaah chuan ruahmanna siam hmanga bawngte'n awmna tur mumal tak an neih theih nana hmalak a ni ang," a ti. "A neitute'n an hlamchhiah bawng enkawlna 6,889 awmah bawng nuai 11.85 dah mek an ni a, Mukhyamantri Sahbhagita Yojana hnuaiah bawng nuai 1.85 te chu gau sevak te hnenah hlan an ni bawk," tiin a sawi.

Hetih lai hian Samajwadi Party president, Akhilesh Yadav chuan sorkarin bawng in sakna tura hma a lak tawh dan leh hawn a tum hun a hriat duh thu sawiin,"Ran enkawltu nei lo eng zat nge bawng in sak tawhah chuan enkawl ni a, bawng in sak tawhte endik leh an dinhmun zir chianna te a awm tawh em? tihte hi kan hre duh a ni," a ti.