Telangana chief minister K Chandrashekhar Rao chuan an state chhunga rawng taka mi paliin an pawngsual, vety doctor nula thihna chungchang chu Fast-track court-in a chhui tur thu a sawi.

Nilaini zan khan Hyderabad khaw daia awm Shamshabad-a veterinary doctor, hmeichhia kum 26 mi haw tur chu mi paliin lo bumin an pawngsual hnuah rawng takin an hal hlum a ni. He hmeichhe ruang hi ut vekin culvert-ah kar kal ta Zirpawpni zing khan Shadnagar khaw bulah chhar a ni. Police-te chuan misual palite hi an  man tawh bawk. 

K Chandrashekhar Rao chuan he thil thleng hi na taka demin, pawikhawihtute hi a na thei ang bera hrem an nih dawn thu leh he case hi chhuichian vat a nih tur thu a sawi.

Telangana IT Minister KT Rama Rao pawhin sorkar laipui chu a rang thei ang berin Indian Penal Code (IPC) leh Criminal Procedure Code (CrPC) chu siamṭhat vat turin a phut bawk a ni.

Share this Post