Prime minister Narendra Modi chuan union agriculture ministry hnenah, Uttar Pradesh, Punjab leh Haryana-a loneituten an thlai ro an hal ṭhin tihtawp a nih theih nan, thlai ro sawngbawlna tur khawl pe turin a ti. 

Uttar Pradesh, Punjab leh Haryana-a loneitute thlai ro hal khu hian Delhi khawpui leh a chhevel a bawh nasa ṭhin a, kumtinin boruak bawlhhlawh a tizual ṭhin a ni. PM hnenah pawh air pollution dinhmun hi sawipui a ni tawh bawk. 

Supreme Court chuan Delhi leh a chhehvel boruak bawlhhlawh zel chuan mi tam tak hriselna dinhmun hlauhthawnawm takah a dah a ni tiin, hetih laia thuneitute lamin mi retheite dinhmun an ngaihtuah pui tak tak lo chu vanduaithlak a tih thu a sawi a ni.

Share this Post