UDP-in nomination panel din
Meghalaya-a United Democratic Party (UDP) chuan mi 30 awmna nomination committee a din a, he committee hian kum 2018 MLA election-a an party hruaitu leh inthlannaa chuh tur an thlangchhuak dawn a ni. Nomination Committee-ah hian party president bakah, district executive committee-a secretary hrang hrangte, ṭhalai pawla hruatute, women wing, farmer wing leh party huangchhunga hruaitu hlun paruk an tel. Nomination committee in rawtna a thlente hi February 27-a an party general council-ah pawmpui tura chhawpchhuah a ni ang. UDP general secretary A. F. Dkhar chuan inthlan kaihhnawih hrim hrim chu nomination committee kutah an dah vek a, anni hian rilru fim tak puin hma an la dawn a ni, a ti. UDP president Bindo MLanong leh Paul Lyngdoh-te hian an duhzawng an thlang chhuak ang.