Ambika Soni-i'n J&K-a inthlan neih rawt

Rajya Sabha MP leh Congress hruaitu Ambika Soni chuan Jammu and Kashmir union territory siam tharah chuan inthlan buatsaih turin sorkar laipui a phut. 

Ambika Soni chuan sorkar laipuiin J&K state ṭhiat a, union territory pa­hniha a ṭhen dan chu demo­cracy kalphung dik tak nia a sawi leh, boruak pawhin ngai a awh chho tawh nia a sawi avangin inthlan hi buatsaih a ni tur a ni, a ti. 

Soni hi Jammu-a an party hruaitute hmu turin a zin a, party hruaitu hlun leh Jammu and Kashmir Congress president GA Mir-ten an ṭawiawm a ni. Soni chuan Jammu a thlen hnuah pawn chhuak thei loa hrenbeh an awm tihte a mit ngeiin a hmu a, internet pawh hman theih lohin a awm zel a ni, a ti. "Thla thum a liam hnu pawhin sorkar laipuiin J&K-a an thil tiam hrang hrangte hi eng zat nge an tihhlawhtlin tawh?" tiin BJP chu na takina sawisel.

Sorkar laipuiin J&K mipuite rawn hmasa loa, union territory-a a dah ringawt mai hi thil dik lo hulhual a ni, a ti. J&K dinhmun hi sorkar laipuiin a ṭhat viau tawh thu a sawi fo a, mahse hetichuang hian J&K-a politician ṭhenkhatte chu hren zui an la ni reng tih Soni chuan a sawi. 



Share this Post

Login to comment
No Comments