Pakistan-in India puhna a pha

Pakistan sorkar chuan Janua≠ry thla tira Pathankot airforce base beitute chu an rama Jaish-e-Mohammed pawl hotu, Maulana Masood Azhar-a tirh nia sawi chu thu dik lo a ni, a ti.

JeM firfiak pawl hotu hi Pathankot airforce base beihnaa a inhnamhnawih ngei a ni tih finfiahna a awm lo niin Pakistan media-te chuan an tarlang.

Sorkar laipui chuan Pathan≠kot beitu, Pakistan firfiak parukte chu Malauna Masood Azhar-a tirh a nih thu sawiin, Pakistan hnenah pawh finfiahna a neihte a thawn tawh a, heng zingah hian phone hmanga firfiakte inbiakna record-te pawh a tel.

Pakistan Prime Minister Nawaz Sharif-a chuan January thla vek khan JeM-te pawikhawihnaa an inhnamhnawih nia puhna chhui chiang tur hian member paruk awmna investigation team a din. Mahse investigation team hian JeM hotu puhna tur finfiahna rintlak tawk an nei lo niin an sawi thung.

Pathankot airbase beih a nih hnu hian sorkar laipui chuan ram pahnihin foreign secretary level inbiakna an neih tur pawh a ṭhulh phah a, pawikhawihnaa inhnamhnawihte chunga Pakis≠tan sorkarin hremna a lekkawh phawt a phut a ni.