Coast Guard-in aircraft 38 lei belh dawn

Indian Coast Guart chuan aircraft leh helicopter 62 a neih mek chu kum 2020-ah 38 neih belh hman a tum.

Official-te chuan thla hnih thum hnuah Hindustan Aeronautics Limited (HAL) chu contract ziahpuiin, Advanced Light Helicopters (ALH) 16 leina tur an ziak fel dawn niin an sawi.

CG hian twin-engine helicopter lian 14 lei dan kawng a zawng leh mek a, Airbus Eurocopter lei a duh a, mahse a rawtna siam hi Ministry of Defence lamah tihkhawtlai a la ni.

Official chuan, "Twin-engine helicopter hi hmun hla zawk kalna atan kan mamawh a ni. Tuna kan hman mek Chetak helicopter-te hi tuipui chunga hmun hla tak thlawhpuina tur chuan a ṭha tawk lo a ni" a ti.

Coast Guard hian Maritime Multi-mission Surveillance aircraft paruk dang lei a tum bawk a, Air Force lam pawhin an duh ve vangin an lei rual theihna tura rawtna siam hun an nghak mek a ni.