Factory puakah mi paruk an thi

Hyderabad khawdai, Mahesawaran-a phamaceutical firm-a manufacturing unit-ah nimin khan reactor puakin a kang zui a, hnathawktu mi paruk an kang hlum.

Chhiatna thlenna hmun hi Ranga Reddy district-a Mankhal industrial area-a Asita pharma and drugs factory a ni a, zing dar 6 velah reactor hi a puak a ni. Mi paruk an thih bakah mi dang pa≠hnihin hilam an tuar. Reactor a puah hnu hian kangmei nasa tak a chhuak zui a ni.

Maheswaram bialtu MLA T Krishan Reddy chuan nimin khan factory hi a tlawh nghal a, factory neitute hnenah chhiatna thleng vanga thi chhungte hnenah ralna cheng nuai 20 ṭheuh pe turin a phut.