Congress-in J&K BDC inthlan boycott tum

Jammu and Kashmir-a Block Development Council (BDC) inthlan neih chu J&K Congress chuan boycott an tum thu nimin khan an sawi.

BDC inthlan hi Oc­tober 24-a neih tura ruahman a ni a, August 5-a J&K special status pekna Article 370 ṭhiah a nih hnua, J&K-a inthlan neih leh hmasak berna tur a ni. 

Congress-in inthlan boycott an tum chhan hi sorkar laipuiin J&K state inrelbawlna a ngaihtuah tawk loh vang leh, an hruaitu tam takte chhuah zalen an nih loh vang a ni, tiin Congress president G A Mir chuan press mite hmaah a sawi.

Mir hi housea arrest-a hren zingah tel mah se chhuah a ni tawh a, hetihlai hian political party hruaitu eng emaw zat hren an la nih avangin, inthlanah hianchak a har tur thu a sawi a ni. 

"Nimin kha nomi­nation thehluh hun hnu­hnung ber a ni a, kan candidate-te hnenah BDC poll boycott kan tum thu lehkha kan pe vek tawh a, kan candidate ṭhenkhatte hian nomination file tawh mah se boycott-naah hian kan tel vek dawn a ni," tiin Mir chuan a sawi.

Chief minister hlui pahnih, Omar Abdullah leh Mehbooba Mufti-te chu house arrest-a hren chhunzawm an la ni. 



Share this Post

Login to comment
No Comments