Indonesia-a Sinabung tlangkang A NASA

Indonesia-a Sumatra thliarkara Sinabung tlang chu nimin kha a kang a, boruak meter 5,000 vela sangah te tlang kang hi a invawrh a ni. 

Volcanology and Geological Hazard Mitigation Center chuan tlang kang vang hian thi leh hliam an awm lo tih a tarlang a, mahse tlang bulṭhut aṭanga km 5 aia hnaia awm lo tur leh, tlang kangin vut sa a vawrh chhuahte laka fimkhur turin an chah. 

Sinabung tlangah hian tlang kang a invawrh chhuah fo avangin a bul hnaia cheng mi eng emaw zat chu insawn chhuah tir an lo ni tawh a ni. Kum 2014 khan tlang kang vang hian mi 16 an lo thi tawh a, 2016 khan mi pasarih an thi bawk.