Sorkar hnathawkte'n badge dum bel leh mah se; thu dawn nei lo

Mizoram sorkar hnathawkte chuan sorkara an thil phût chung­changa lungawi lohna lantir nan nimin khan badge dum an bel leh a; ni hnih bagde dum an bel chhungin sorkar aṭangin (thu ziah lai thlengin) thu dawn an nei lo.

Federation of Mizoram Government Employee & Workers (FMGEW) thutlukna anga badge dum an bel chhan chu - sorkar notification ding lai anga dearness allowance (DA) rate hman an phût chu Mizoram sorkarin a tihhlawhtlin loh vang a ni.

Vanglaini palai zawhna chhangin FMGEW hruaitute chuan sorkar aṭanga thu dawn an neih loh thu an sawi a, "Kan thil phûtte a hlawhtlin loh chuan ruahmanna kan siam tawh angin August 22, 2023 khian General Council-ah kan kal zel dan tur kan rêl ang," an ti.