Greece inthlanah eptu party chak

Greece ram inthlanpui neihah eptu party, Kyriakos Mitsotakis-a kaihhruai New Democracy (ND) chu hneh taka thlan tlin a ni. 

Pathianni a inthlanpui neihah hian ND party chuan rorellai Syriza party chu seat 72-in an hneh. Parliament seat 300-ah ND party hian seat 158 an la a, Communist party in seat 15, Movement for Change in seat 22, MeRA25 in seat pakua, Greek solution in seat 10 leh rorellai party Syriza chuan seat 86 chauh an la thung. 

Greece Prime Minister hlui Konstantinos Mitsotakis fapa, kum 51-mi Mitsotakis hi Thawhṭanni khan Greece president Prokopis Pavlo­poulos chuan Prime Minister thar atan a la lut nghal a ni. 

Greece hian 2009-2017 chhung khan sum leh pai lamah harsatna nasa tak a tawk a, leiba tam tak a neih bakah a ram economy pawh a chhiat phah hle. Mahse khaw­vel ram leh pawl hrang hrangin ṭan­puina nasa tak an pek hnuin August 20, 2018 khan a economy chu bailout a nih thu puan a ni. Bailout hnua general election hmasa berah hian Mitsotakis party chuan 40% seat lain rorellai party Syriza chuan 31.5% an la a ni.

Mitsotakis chuan hnehna an chan hnu hian mipui hmaah Greece ram chu a hma angin a ropui leh tur thu leh mipuite beiseina chu hlawhtlin tir a duh thu a sawi. 



Share this Post

Login to comment
No Comments