Myanmar sipaite'n Nyaung Kone khua an bei

Myanmar sipaite chuan jet fighter hmangin Sagaing region hmar lama Nyaung Kone khua an bei a, civil mi 10 an thih bakah hliam tuar mi 15 an awm.

Tualchhung media-te report danin, he inbeihna hi Thawhlehnia thleng kha a ni. Sipaite hian fighter jet hmangin khuaah hian bomb an thlak niin an tarlang.

Nyaung Kone khaw hotu, Zaw Htet chuan sipaite hian bomb pathum an thlak niin a sawi a, thi zingah hian hmeichhia pathum bakah monk pakhat pawh a tel a ni, a ti.

Sipaite hian thla hnih liam taah khan sipai sorkar dodaltu pawlte inkhawm buatsaih lai chu thlawhtheihna aṭanga beiin, mi 100 chuang an lo thi tawh bawk.

Kum 2021, February thlaa sipaite'n civil sorkar thuneihna an hnehchhuh hnuah, sipai sorkar dodaltute chu na takin a beih chhunzawm a, nawrh huaihawt zinga mi tam tak a tihlum tawh a, air strike hmangin khaw hrang hrang pawh a bei fo bawk a ni.

United Nations chuan sipaite'n thuneihna an chan hnuah, sipaite hian kum hnih chhungin civil mi 3,000 chuan an that tawh niin a sawi. Hei bakah an man zinga mi 150 chuang chu thi turin an chung thu relsak an ni tawh bawk.