New Zealand-in supermaket-ah plastic bag khap dawn

New Zealand sorkar chuan naktuk aṭang hian an ram supermaket-a plastic bag pan hman a khap dawn. He khapna hian plastic straw leh silverware pawh a huam tel dawn bawk a ni.

Kum 2019 aṭang khan New Zealand hian single-use plastic tihtawpna turin campaign a kalpui ṭan a, hemi kum hian plastic shopping bag chhah chi hman a khap. July thla aṭangin plastic bag pan chi a khap tel ve leh dawn ta ni.

Associate environment minister Rachel Brooking chuan kum 2019-a khapna siam hian an rama plastic bag hman tur tluklehdingawn khat chuang a veng nia sawiin, tuna a pan chi an khap tel leh tur hian kum khatah plastic bag hman ṭhin chu maktaduai 150 velin a tihtlem phah thei dawn niin a sawi.

Plastic bag khap a nih dawn avang hian supermarket-te pawhin suk faia hman nawn leh theih, polyester mesh bag an zuar chhuak ṭan a ni. He mesh bag hi vawi tam tak hman nawn theih a nih tih en chhin vek a nih thu official-te chuan an sawi a ni.