US-in Ukraine hnena air defence system hralhna tur pawm

United States (US) chuan Ukraine hnenah NASAMS air defence system leh a kaihhnawih hmanraw dang, USD mtd 285 hu hralhna tur a pawm tih a sawi.

US defence security cooperation agency chuan thuchhuah siamin, "Russia-in missile leh aircraft hmanga a beih mekna laka lo inven leh lo do letna turin, Ukraine hian hmanhmawh taka ralthuamte thuam chak a mamawh a ni," a ti. Ralthuam an lei tir turte chuan Ukraine-in a ram mipuite leh infrastructure pawimawhte a venhimna kawngah a pui dawn tih a sawi bawk.

Ukraine hnena ralthuam an hralh tur hi State Department chuan a pawm tawh a, DSCA hian Congress hnenah pawh an hriattir tawh a ni.

US bakah ram dang eng emaw zat chuan Ukraine ṭanpuina tur hian ralthuam leh sipai hmanrua tam tham tak an lo pe tawh a, mahse tun ṭuma mi erawh an lei a ngai ve thung ang.