Japan PM thusawi lai smoke bomb-in bei
Japan prime minister Fumio Kishida chu Inrinnia an ram khawthlang lam, Wakayama prefecture-a Saikazaki port a tlawh ṭumin smoke bomb hmanga beih a ni.
PM Kishida hian thu a sawi laiin smoke bomb hi vawm a ni a, police-te chuan a vawmtu hi an man nghal a ni.
He thil thlengah hian PM leh midang zingah hliam tuar an awm lo a, Kishida pawhin a thusawi a chhunzawm leh nghal a ni. Prime Minister hi local election neih tura an party candidate tana campagin pui turin a kal a ni.
Japan prime minister hlui Shinzo Abe chu nikum July 8 khan Parliament inthlan neih tur atana campaign-a thu a sawi laiin silaia kah a ni a, damdawi-ina hruai a nih hnuah a hliam tuar loin hemi ni vek hian a boral a ni. Silaia kaptu, kum 41 mi Tetsuya Yamagami chu pawikhawihna thlenna hmunah hian man nghal a ni bawk.