Germany-in a nuclear plant-te a khar kim ta

Germany chuan Inrin­ni khan nuclear power plant a la neih pathumte chu a khar leh ta.

Germany hian nuclear power plant-te tihtawp a, renewable energy lama inleh tumin hun rei tak chhung chu ruahmanna hi a lo siam tawh a ni. Three Mile Island, Chernobyl leh Fukushima-a nuclear plant-a chhiatna rapthlak a thlen hnuah, Germany-ah hian anti-nuclear protest an la kalpui fo tawh a, sorkar chu mihringte tana him tawk loa ngaih technology a hmante tihtawp turin an nawr ṭhin a ni.

Inrinni zan, zanlai thlen hma hret khan Emsland, Neckarwes­theim II leh Isar II nuclear power plant-te chu khar an ni ta a, plant chhungah hian thawktute chuan he hun hriatrengna hun hi an hmang zui bawk.