Afghanistan: Taliban-in mi pasarih that

Afghanistan-a eastern Ghazni province-ah nimin kha Taliban-in car an bomb a, mi pasarih an thih bakah 25 an hliam.

Hliam mi 25-te hi provincial capital Ghazni damdawi-inah dah luh nghal an nih thu provincial public health department hotute chuan an sawi. 

Pawikhawihna thlen hun hi an ram huna zing dar 5:30 vel a ni a, thih­chilh bomb pai taliban firfiak pakhatin National Directorate for Security (NDS) camp bulah bomb hi a tipuak a ni. 

Bomb puak hian a bula awm Islamic affairs office pawh a tichhia a, zing dar 8 vel thleng chu security force-te leh firfiakte hi an inkap zui bawk.