Iraq leh Syria rama American-te hnawhchhuah an ni ang : Iran

Iran supreme leader Ayatollah Ali Khamenei chuan Iraq leh Syria rama America mi awmte chu hnawhchhuah an nih dawn thu a sawi. 

Khamenei chuan Afghanistan, Iraq leh Syria rama America thil tih avangin inhuatna a thlen thu sawiin, Middle East-a US sipai awmte chu chhuak tawh turin a ngen bawk.

Thla hlui khan US president Donald Trump chuan an tuipui hnaiha Iran lawngte chu kap tura inralring turin US Navy-te a hriattir a, a hnuah Gulf huam chhunga US Navy-te a hlauhawm zawnga an che a nih chu an kah hreh dawn lo thuin Iran Revolutionary Guards hotu, Major General Hossein Salami chuan a chhang let ve bawk a ni.

Kumin January 3 khan Iraq khawpui Baghdad-ah Iran military commander, Qassem Soleimani chu US sipaiten an that a, hei vang hian US leh Iran inkarah hian innghirnghona chu a zual chhoh phah a ni.