Pakistan PM hlui Imran Khan lakah thubuai 37 ziaklut tawh
Pakistan prime minister hlui, Pakistan Tehreek-e-Insaf (PTI) chairman Imran Khan-a lakah thubuai 37 ziahluh a ni tawh.
Heng thubuaite hi direct-a Imran Khan inhnamhnawihna vek nia sawi a ni a, ramchhung hmun hrang hrang aṭanga ziahluh a ni. Thubuai 11 hi nikum may 25-ah ziahluh a ni a, May 26-ah thubuai pariat leh August 8 khan thubuai pathum hi siamsak a ni bawk. A thubuai neih mek zingah hian Federal Investigation Agency (FIA) leh Election Commission of Pakistan (ECP) thehlutte pawh a tel a ni.
Imran Khan-a thubuai neih mek zinga panga hi Supreme Court-ah ngaihtuah nii, Islamabad High Court-ah ECP case pahnih bakah thubuai dang pahnih a nei bawk. Lahore HIgh Court-ah thubuai paruk neii, Peshwar High Court-ah pathum a nei bawk. Islamabad District Court-ah Khan lakah hian thubuai pathum ziahluh a ni a, anti-terrorism court-ah thubuai pathum neiin, FIA Banking Crime Court Islamabad-ah thubuai pakhat a nei mek bawk.
Hetih lai hian tunkar tir lam khan Khan chuan a lakah thubuai 76 ziahluh ani tawh niin a sawi thung a; firfiak zawnga che puhna, sakhaw tibawrhbang leh ram phatsantua puhna thubuai chu a pung zel niin a sawi.