Myanmar sipai sorkarin inthlan felfai tak buatsaih tiam

Myanmar sipai sorkar chuan an ram inthlanpui chu dik leh felfai taka buatsaih a tiam a, mahse inthlan neih hun tur erawh a la tarlang lo.

Civil sorar thuneihna an hnehchhuh hnuah sipaiten emergency an puan chu January thla hian a zo tawh dawn a, hemi hnu hian 2008 constitution zulzuiin inthlan neihna tur hi buaipui chhoh a ni dawn niin sipai hotu, Min Aung Hlaing chuan a sawi. Kumin kumtawp lamah inthlan hi an buatsaih rin a ni.

Sipai sokrarin a ruat, election commission chuan inthlan neih tur chungchang hi political party hrang hrangte pawh a sawipui tawh niin sipai hotu hian a sawi bawk.

Kum 2018 inthlanpuia Aung San Suu Kyi-i pawl, National League for Democracry (NLD)-in hnehna a chan chu sipaite hian pawm loin, vote tihchingpenna nasa tak a awm niin an puh. Hei hi civil sorkar an paihthlak chhan pawh niin an sawi a ni.